iPhone 6, iPhone 6Plus, Apple Watch товч танилцуулга.

Аpple компани "iPhone 6" болон "iPhone 6 plus" гэсэн хоёр төрлийн iPhone, шинээр “Apple Watch” гэх мэт гурван шинэ бүтээгдэхүүнээ албан ёсоор танилцууллаа. Та бүхэндээ мэдээлэл болгох үүднээс товчхон танилцуулбал iPhone 6 нь 4.7 инч бөгөөд дэлгэцний нягтрал нь 1334x750, 6.9мм-ын зузаантай, iPhone 6 plus нь 5.5 бөгөөд дэлгэцний нягтрал нь 1920х1080, 7.1 мм-ын зузаантай юм байна. Full 1080p HD resolution шинэ retina дэлгэцтэй болсон бөгөөд одоо байгаа retina дэлгэцээс илүү өндөр нарийвчлалтай юм байна. Дэлгэц нь огт зурагддаггүй чулуун дэлгэц гэнэ. Бас дэлгэц нь 180 градус эргэдэг болжээ нэг ёсондоо iPad шиг арр-ууд нь хөндлөн болно гэсэн үг. Мөн энэ бүгдээс гадна илүү нимгэн, хөнгөн, хүчирхэг болжээ. Тухайлбал шинэ төрлийн А8 чип нь өмнөх CPU-нээс 25% илүү хурдан, график дүрслэлийн хувьд өмнөхөөсөө 50% хурдан ажиллах юм байна. Том хэмжээтэй хүчин чадал шаардсан тоглоом тоглоход алзахгүй гэхэд болно. Шинээр А8 motion coprocessor нэмэгдсэн ба секундэд 120 эсвэл 240кадраар удаашруулсан дүрс бичлэг хийх боломжтой болжээ.
Шинэ төрлийн хоёр iPhone-ны камерны хувьд 8MP бөгөөд түүнд суурилсан мэдрэгчүүдыг нь илүү сайжруулжээ. Мэдрэгчүүд нь авах зүйл дээрээ илүү хурдан төвлөрч, тод авдаг болсон байна. Ялангуяа хүний нүүр царайг илүү сайн таньдаг болжээ. Бас Барометр буюу агаарын даралт хэмжигч нэмэгджээ.
Баттерайн хувьд дэлгэц нь томорсон ч өмнөх загваруудаасаа илүү хугацаагаар цэнэгээ барих ажээ. Бас сонирхуулж хэлэхэд Wifi холболт ашиглан утасны дуудлага хийх юм байна. Ар тал нь хөнгөн цагаан материалаар хийгдсэн байна. Бас тус бүрдээ силикон болон савхин case-тэй ажээ.
Дараагийн нэмэгдсэн шинэ зүйл бол "Apple Pay" үйлчилгээ юм. Та энэ үйлчилгээний тусламжтайгаар гар утаснаасаа төлбөр тооцоогоо хийх боломжтой. Өөрөөр хэлбэл таны түрүүвч гар утас хоёр нэг болно гэсэн үг. Тиймээс гар утсаа алдвал банкруугаа утасдаж картаа цуцлах шаардлагатай юм байна. Одоогоор энэ үйлчилгээ АНУ-ын нутагт нэвтэрсэн бөгөөд Adidas, Disney Land гэх мэт олон хүн үйлчилүүлдэг хэд хэдэн газруудаар нэвтэрч байгаа юм байна. Энэ үйлчилгээ нь дараа сараас эхэлж хэрэглээнд гарах аж.
Тэгвэл шинэ төрлийн хоёр iPhone хэзээ худалдаалагдаж эхлэх вэ?
9-р сарын 12 -оос урьдчилгаа захиалга эхлэх бөгөөд 19 гэхэд худалдаанд гарах юм байна. Түүнтэй хамт гарах шинэ iOS8 үйлдлийн систем нь 17-оос эхэлж нийтээр хэрэглэх боломжтой болох бөгөөд iPhone 4S болон түүнээс дээш хувилбарт суугдана.

Өнөөдрийн хамгийн хүсэн хүлээсэн зүйл бол яах аргагүй цаг байлаа. Apple шинэ цагаа “iWatch" биш “Apple Watch” гэж нэрлэжээ.
Цаг танилцуулж эхлэхэд хүмүүс бүгд баярлан алга ташиж байсан бөгөөд Тим Түүк өөрөө цагаа зүүгээд гараад иржээ.
Apple Watch нь Apple Watch, Apple Watch Sport, Apple Watch Edition гэсэн гурван төрөл бөгөөд дотроо өнгө загвар, оосорноос эхлээд маш олон төрөл юм байна. Ялангуяа оосорны хийц бүтэц нь өвөрмөц шийдэлтэйгээр бүтээгджээ. Дасгал хөдөлгөөн хийж эрүүл мэнддээ анхаардаг хүмүүст их тохирох юм байна. Apple Watch нь iPhone-той төгс хоршиж ажиллахаар бүтээгдсэн бөгөөд iPhone 5 болон түүнээс дээш хувилбарт таарах аж. Өөр дээрх аппликайшнуудаас гадна хөгжүүлэгчид бас нэмж хөгжүүлэх бүрэн боломжтой юм байна. Гэх мэт олон зүйлүүд цаганд байна . . Харин худалдаанд хэзээ гарах вэ? Ямар үнэтэй байх вэ гэвэл. Худалдаанд 2015 оны эхээр гарах бөгөөд худалдаалж эхлэх үнэ нь 349 доллар байх юм байна.

За товчхондоо нэг иймэрхүү л зүйл танилцууллаа. Та дэлгэрэнгүйгhttp://www.apple.com/iphone-6/, http://www.apple.com/watch/ гэсэн хуудаснаас үзээрэй.